Сүүлийн үеийн Армата танкын эхний багцыг Оросын цэргүүдэд нийлүүлнэ

Одоогийн харанхуй бараан нийгмийн асуудал, зовлонд санаа зовдог болон түүнийг засах, сайн сайхан болгох, гэгээрүүлэх чин хүсэлт таньд байдаг бол Монгол улсын насан хүрсэн иргэн хүн хэн байсан бидэнтэй нэгдэн нийлж Монгол улсын Үндсэн хуульд заасан дагуу дуу хоолойгоо улс төрд оролцуулах улс төрийн нам байгуулалцаж болно.
- Хэрэв та тийм хүсэлтэй, зорилготой бол дараах хувь хүний нууц алдахгүй Google холбоосоор орж нам байгуулахад шаардагдах гишүүнчлэлийн өөрийн мэдээллээ үнэн зөв бөглөж өгнө үү.
- Таны бичсэн гар утасны дугаарын дагуу очиж цаасан дээр таны гарын үсгийг зуруулж авах болно. https://forms.gle/NCYTLGDCmBH1mk7u6

Хамгийн сүүлийн үеийн Т-14 'Армата' танкуудын эхний хэсэг багцыг удахгүй Оросын цэргүүдийг хангана гэж "Урал вагон завод" батлан хамгаалах үйлдвэрийн гүйцэтгэх захирал Александр Потапов даваа гарагт ТАСС агентлагт мэдээлэв. "Тун удахгүй Т-14 'Армата'-ын эхний хэсгийг цэргүүдэд хүргэх болно" гэж гүйцэтгэх захирал мэдэгдсэн байна.

Армата нь Оросын арми болон Т-14-ыг лицензтэй үйлдвэрлэлийн талаар гадаадын үйлчлүүлэгчдэд ихээхэн сонирхож байдаг гэж Урал вагон заводын дарга хэлэв.

ОХУ-ын Аж үйлдвэр, худалдааны сайд Денис Мантуров өмнө нь Звезда телевизийн сувагт өгсөн ярилцлагадаа Т-14 ‘Армата’ танк энэ оны сүүлчээр буюу ирэх оны эхээр Оросын армид нийлүүлэх болно гэж мэдэгдсэн юм.

Армата бол хүнд байлдааны техникийн стандартчилагдсан суурь бөгөөд энэ суурь дээр байлдааны үндсэн танк, явган цэргийн байлдааны машин, хуягт тээвэрлэгч болон бусад зарим хуягт техникийг хөгжүүлэх үндэс суурь болдог аж.

Армата суурь дээр суурилсан Т-14 танкийг 2015 оны 5-р сарын 9-ний өдөр Улаан талбайн Ялалтын баярын жагсаал дээр анх удаа олон нийтэд үзүүлсэн юм. Энэхүү шинэ байлдааны машин нь бүрэн дижитал тоноглол, нисгэгчгүй цамхаг, тусгаарлагдсан хуягт капсулаар багийн гишүүдээ хамгаалдаг байна.