"Аянга" хочтой К9 бол Өмнөд Солонгосын Батлан Хамгаалах Хөгжлийн Агентлаг (ADD) болон Samsung Aerospace Industries-ийн бүтээсэн өөрөө явагч их бууны систем юм. Харин одоо Hanewha Defence үүнийг үйлдвэрлэж байгаа.

Австралийн засгийн газар пүрэв гаригт Австралийн Батлан хамгаалах яамны хэвлэл мэдээллийн сувгаараа дамжуулан өөрөө явагч 155mm/52 калибртай их бууг Өмнөд Солонгосоос худалдан авахаа мэдэгдсэн байна.

Энэхүү гэрээнд 30 ширхэг К9 "Thunder" өөрөө явагч их буу ба түүнтэй холбоотой дэмжлэг үзүүлэх тоног төхөөрөмж, үүнд 10 ширхэг K10 сум нөөцлөх машин (ARV) нийлүүлэх шаардлага багтжээ. Солонгосын батлан хамгаалахын гэрээнд оролцогч уг төсөлд зориулж нэг их наяд вон буюу 843 сая доллар олоод байна.

Засгийн газар K9 Thunder-ийг Австралийн армийн шинэчлэлийн хөтөлбөрүүдийн нэг болох Land 8116 их бууг солих төслийн хүрээнд K9-г сонгосон гэдгээ зарлав.

"Энэхүү хэлэлцээр нь Hanwha Defence –н нэр хүндийг дэлхийн хэмжээнд дээшлүүлж, Солонгосын зэвсгийн экспортыг өргөжүүлэх болно" гэж Hanwha Defence компанийн гүйцэтгэх захирал Ли Сон Су хэллээ. Тус компани нь Мельбурны ойролцоо байгууламж барих замаар Австралид K9 системийг үйлдвэрлэх бөгөөд дотоодын компаниудаар дамжуулан засвар үйлчилгээ, засвар үйлчилгээ хийх юм.

"30 K9 их буу, 10 K10 ARV-ийг нийлүүлсний дараа бид Австралитай илүү олон гэрээ байгуулах болно" гэж Hanwha Defence -ийн Европ, Австралийн бизнес хөгжлийн асуудал эрхэлсэн дэд ерөнхийлөгч Ан Бёнг Чул хэллээ.

K9 "THUNDER" буюу "Аянга" хочтой К-9 бол Өмнөд Солонгосын Батлан Хамгаалах Хөгжлийн Агентлаг (ADD) болон Samsung Aerospace Industries-ийн бүтээсэн, Hanewha Defence-ийн үйлдвэрлэсэн өөрөө явагч их бууны систем юм. 155мм/52 калибрын сумны хувилбаруудаас хамааран 40-50 километрийн зайд бууддаг.

Энэхүү системийг Турк, Австрали, Энэтхэг, Эстони, Норвеги, Финлянд, Египет зэрэг долоон оронд амжилттай экспортолчхоод байгаа юм.Энэ систем нь 480 километрийн ашигтай ажиллагааны тойрог хүрээтэй бөгөөд зам дээр хамгийн ихдээ 67 км/цаг хурдалж чаддаг тул энэ ангилалд сонирхол татахуйц сонголт болж чаджээ. Системийг зэвсэг хангах хэрэгслээр тоноглогдсон бөгөөд MRSI горимоор буудах чадвартай (Multiple Rounds Simultaneous Impact), 15 секундийн дотор гурван удаа буудах - 5 секунд тутамд 1 удаа - тус бүр нь өөр өөр төрөл зорилгоор буудаж зорьсон газартаа сумнууд нь нэгэн зэрэг хүрдэг байна.

Стокгольмын олон улсын энх тайвны судалгааны хүрээлэнгийн мэдээлснээр 2000 оноос 2017 оны хооронд дэлхийн өөрөө явагч их бууны зах зээлийн 48% -ийг K9 Thunder эзэлж байжээ. Австрали улс сум нөөцлөх зөөх зориулалттай K10 машиныг худалдан авах хүсэлттэй хэрэглэгч гэдгээрээ Норвегийн дараа хоёр дугаарт ордог цөөн хэрэглэгчийн нэг юм.